KEGEL MAShQLARI

 KEGEL MAShQLARI

KEGEL MAShQLARI Erkaklar va ayollarning jinsiy hissiyotlarining kuchi va davomiyligi ma’lum miqdorda chanoqsohasidag’i mushaklarini ixtiyoriy boshqara olish qobiliyatlariga bog’liq.

Bunda asosiy rolni oraliq sohasining asosini tashkil etadigan qov suyagi bilan dumg’aza suyagi orasida joylashgan qov-dumg’aza mushak (QD — mushagi) o’ynaydi. Hayvonlarda ushbu mushak dum harakatlarini ham boshqaradi.

Agar bu mushak tug’ma kuchsiz bo’lsa yoki biror sabab tufayli (masalan, ayollarda tug’ishdan so’ng) o’z tarangligini yo’qotsa, bu orgazmni yorqin his qilish qobiliyatini susaytiradi.

1950 yilda ginekolog Arnold Kegel siydik tuta olmaydigan ayollar uchun “Chanoq osti mushaklarini mustahkamlash uchun Kegel mashqlari”ni ishlab chiqdi. Tez orada kuzatuvchan olim ushbu mashqlar butun siydik- tanosil tizimining faoliyatini yaxshilashini sezdi.

Masalan, frigidlilikka duchor bo’lgan ayollar ushbu mashkdardan so’ng jinsiy aloqalardan yorqinroq hissiyotlarni seza boshlaganlar.

Keyinchalik Kegel mashqlari erkaklarga ham tavsiya qilina boshladi va bu o’zining ajoyib natijalarini bera boshladi.

Masalan, ushbu mashqdar bilan bir necha oy davomida shug’ullangan minglab erkaklar surunkali prostatitdan butunlay xalos bo’lganlar. Eng asosiysi — uslubiylik va doimiylikdir.

Kegel mashqlarining foydali tomonlari

Kegel mashqlarining quyidagi foydali tomonlari mavjud:

• Kishi jinsiy aloqaning davomiyligini va orgazmni nazorat qila oladigan bo’ladi;

• Uning ehtirosli bo’lishini boshqara oladi;

• Erkakning erektsiyasi yanada kuchliroq bo’ladi;

• Prostatitning oldini olish va davolash imkonini beradi;

• Siydik tuta olmaslikning oldini oladi va davolaydi;

• Axlat tuta olmaslikni davolaydi va oldini oladi;

• Bavosir (gemorroy)ning paydo bo’lishiga yo’l qo’ymaydi;

• Jinsiy a’zolarning qon bilan ta’minlanishini yaxshilaydi.
Aytib o’tish lozimki, Kegel mashqlariga o’xshash mashqlarni sharqliklar ming yillardan beri organizmni yoshartirish va energetikasini oshirish uchun qo’llab keladilar.

Kegel mashqlarini bajarishga biror xil qarshi ko’rsatma yo’q, shuning uchun ularni bemalol uy sharoitida ham bajaraversa bo’ladi. Asosiy maqsad qov va dumg’aza suyaklari orasidagi KD — mushagini mashqlar yo’li bilan mustahkamlash, kuchaytirish. Ushbu mushakni sezish uchun siyish paytida birdaniga peshobni to’xtatish kerak.

Aynan, mana shu peshob oqimini to’xtatgan mushak — erkaklar jinsiy faoliyati uchun eng zarur mushakdir. Yana uni siydikning oxirgi tomchilarini itarib chiqarayotgan paytda ham his qilish mumkin.

KD – mushagini faollashtirish natijasida bosh miyada sog’likka foydali o’zgarishlar yuz berishi sezilgan. Shu bilan birga, Kegel mashqlarini bajarish natijasida, erektsiyaning ham kuchayishi kuzatiladi, chunki bunda erektsiyani kuchaytiruvchi mushaklar ham rivojlanadi.

Kegel mashqlarini bajarish, ayniqsa, quyidagi toifa kishilarga tavsiya qilinadi:

• Kam harakat qiluvchilar;

• Ko’p o’tirib ishlaydiganlar (masalan,ofis ishchilari, kompyuterchilar, hisobchilar, haydovchilar, etikdo’zlar va h. k. );

• Prostatitga chalinganlar;

• Erektil disfunktsiyasi muammolariga uchragan erkaklar;

• Bavosir (gemorroy) kasaliga uchraganlar;

• Siydik va axlat tuta olmay qolganlar;

• 50 yoshdan oshgan barcha erkaklar (jinsiy faoliyatni me’yorda tutish va qarilikni orqaga surish uchun);

• Jinsiy ko’rsatkichlarini yaxshilamoqchi bo’lgan barcha yoshdagi erkaklar va boshqalarga.
Kegel mashqlarini amalda bajarish

KD — mushagini mashq qildirishni boshlashdan oldin, avvalo uni sezish va topish kerak. Uni topishdan ko’ra sezish qiyinroq, chunki, odatda u ko’pchilikda bo’shashgan, lanj, yarim atrofiyaga uchragan holda bo’ladi.

Oldin aytib o’tganimizdek, siyishni yarmidan to’xtatgan paytda uni his qilish, shu paytda anus bilan yorg’oq orasini qo’l bilan ushlab ko’rsa, o’sha mushak taranglashganini sezish mumkin. Aynan, shu mushakni endi mashq qildirish, rivojlantirish, kuchaytirish — bizning asosiy maqsadimiz bo’lishi kerak.

KD — mushagini sezib, uni qanday harakatlan- tirishni o’rgangach, kuniga uch mahal 15 martadan (yoki besh mahal 10 martadan) uni qisqartiruvchi harakatlar qilishdan boshlash kerak. Qisqartirganda nafas olamiz, bo’shashtirganda nafas chiqaramiz, burun orqali nafas olamiz.

Bunda dumba mushaklarini qisqartirmaslikka harakat qiling. Birdaniga uddalay olmasangiz xafa bo’lmang, tanangizga ushbu “unutilib ketgan” mushakni “eslash” uchun vaqt kerak bo’ladi. Keyin qisqartirishlar sonini har kuni ikkitadan oshirib borib, ikki-uch haftadan so’ng bir martada 50 tagacha, bir kun davomida 150 taga etkazish kerak. Har bir qisqartirish va bo’shashtirish davomiyligini uch soniyagacha oshirish zarur.

Mashq paytida qisqartirishlar maromini o’zgartirib turishingiz mumkin, chunki bunda qandaydir alohida qoidalar yo’q. Kegel mashqlarining har xil ko’rinishlari mavjud bo’lib, ularning barchasining asosiy vazifasi KD — mushagini rivojlantirishdir.

Shu narsani alohida ta’kidlab o’tish zarurki, ushbu mashqlarning samarasi darhol sezilmay, taxminan bir oylardan so’ng bilina boshlaydi.

Shu vaqtda ularni to’xtatib qo’yish katta xato bo’lib, sistematik davom ettirish tavsiya qilinadi. Chunki atrofiyaga uchragan mushaklar endi o’zini tiklab olgan va mashqlarning haqiqiy foydasi hali oldinda bo’ladi.
Quyidagi mashqlar KD — mushagini rivojlantiradi, surunkali prostatitni davolaydi, vaqtidan oldin shahvat to’kilishining oldini oladi.

(Visited 30 times, 1 visits today)
Rating: 1.0/5. From 1 vote.
Please wait...
News Reporter

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan

error: Content is protected !!